2018-жылдын 24-апрелинде  Кыргыз Республикасынын Дин иштери боюнча мамлекеттик комиссиясынын (КР ДИМК) директору Зайырбек Эргешов Кыргызстандагы жана Тажикстандагы Фридрих Эберт атындагы Фонддун аймактык директору Александер Розенплэнтер менен жолугушту.

Жолугушуу учурунда Фридрих Эберт Фондунун ишмердүүлүгү жана  диний чөйрөдөгү мамлекеттик саясатты ишке ашыруу тууралуу маселелер  талкууланды. Ошондой эле КР ДИМКнын директору З.Эргешов “Ислам азыркы светтик мамлекетте” Эл аралык конференциясы 2018-жылы Бишкекте өткөрүү боюнча иш-аракеттер жүргүзүлүп жаткандыгын билдирди.

Ал эми Александер Розенплэнтер мырза ыраазычылыгын билдирип, диний багыттагы иш-чараларын уюштуруу тууралуу биргеликте кызматташууну сунуштады.

Соңунда эки тарап достук мамилелерин мындан ары да бекемдөө максатында кызматташууга даяр экендигин билдиришти.