Административдик мамлекеттик жарандык кызмат орундарынын улук тобуна жалпы квалификациялык талаптар

• Билүүгө тийиш:

1. Кыргыз Республикасынын Конституциясы;

2. Кыргыз Республикасынын «Жарандардын кайрылууларын кароо тартиби жөнүндө» Мыйзамы;

3. Кыргыз Республикасынын «Мамлекеттик жарандык кызмат жана муниципалдык кызмат жөнүндө» Мыйзамы;

4. «Кыргыз Республикасынын ченемдик укуктук актылары жөнүндө» Кыргыз Республикасынын Мыйзамы;

5. Кыргыз Республикасынын Кыргыз Республикасынын «Коррупцияга каршы аракеттенүү жөнүндө» Мыйзамы;

6. Кыргыз Республикасынын Өкмөтүнүн 2020-жылдын 3-мартындагы №120 токтому менен бекитилген Кыргыз Республикасында иш кагаздарын жүргүзүү боюнча типтүү нускама.

• Өздөрүнүн кызматтык милдеттерин аткаруу үчүн мамлекеттик жана расмий тилдерди зарыл болгон көлөмдө билүүгө милдеттүү.
• Компьютердик жана оргтехникага, керектүү программалык продуктылар менен иштөөнү билүүгө, анын ичинде:

- чоң көлөмдөгү маалыматтар менен иштөө; маалыматтарды таблицалар, диаграммалар жана графиктер түрүндө көрсөтүү; эсептөөлөргө байланыштуу сандык маалыматтар менен иштөө; статистикалык маалыматтарды талдоо жана натыйжалуу чечимдерди кабыл алууну колдоо үчүн маалыматтарды анализдөө.

Квалификациялык талаптар:

  1. Кесиптик билим деңгээли:

- социалдык жана гуманитардык илимдер багыттары боюнча жогорку билим.

2. Эмгек стажы жана иш тажрыйбасы:

– жалпысынан 3 жылдан кем эмес мамлекеттик жана муниципалдык кызматтагы стажы, же тиешелүү адистик чөйрөдө 5 жылдан кем эмес эмгек стажы;

3. Кесиптик компетенциялар:

Билгичтиги:

- Кыргыз Республикасынын мыйзамдары: «Кыргыз Республикасындагы дин тутуу эркиндиги жана диний уюмдары жөнүндө», «Экстремисттик аракеттерге каршылык көрсөтүү жөнүндө», « Билим берүү жөнүндө », «Кыргыз Республикасынын эл аралык келишимдери жөнүндө»;

- Кыргыз Республикасынын Президентинин: 2012-жылдын 23-мартындагы
 № 71 «Кыргыз Республикасынын Дин иштери боюнча мамлекеттик комиссиясы жөнүндө», 2015-жылдын 3-ноябрындагы №220 «Кыргыз Республикасынын Дин иштери боюнча мамлекеттик комиссиясынын ишинин кээ бир маселелери жөнүндө», 2021-жылдын 30-сентябрындагы №412 «2021-2026-жылдарга Кыргыз Республикасынын диний чөйрөдөгү мамлекеттик саясатынын концепциясы»;

- Кыргыз Республикасынын аймагында иш алып барган конфессиялар боюнча;

- Дүйнөлүк диндердин негиздери.

Жөндөмү:

- дин чөйрөсүндөгү көйгөйлөрдү чечүүгө болгон мамилени талдоо, болжолдоо, жалпылоо, мониторинг жүргүзүү, контролдоо жана интеграциялоо;

- дин чөйрөсүндө ишмердүүлүктүн артыкчылыктуу багыттарын аныктоо жана стратегиялык пландарды иштеп чыгуу;

- дин маселелери боюнча изилдөөлөрдү жүргүзүү, алынган маалыматты салыштырып талдоо жана жалпылоо;

- Кыргыз Республикасынын мыйзамдарынын укуктук базасынын маалыматтык тутумдарын пайдаланууну билүү.

Тандоого катышуу үчүн төмөндөгү ырааттама боюнча көктөмөгө (Дело №) тиркелген документтер тапшырылууга тийиш:

• өздүк арызы; 
• сүрөтү менен кадрларды эсепке алуу боюнча өздүк баракча;
• өмүр баяны (соттуулугунун жоктугу жөнүндө маалыматтарды көрсөтүү менен);
• таржымал (резюме) жарактуу электрондук почтаны, телефонду көрсөтүү менен;
•  нотариалдык жактан күбөлөндүрүлгөн негизги жана кошумча билимди (бар болсо) ырастаган документтердин көчүрмөлөрү;
• нотариалдык же акыркы иштеген жери боюнча күбөлөндүрүлгөн эмгек китепчесинин көчүрмөсү (иш стажысы болсо);
•  окумуштуулук даражаны жана окумуштуулук наамды ыйгаруу жөнүндө документтердин көчүрмөлөрү (бар болсо);
•  паспорттун көчүрмөсү (түп нускасы конкурска келгенде көрсөтүлөт).

Документтер 2023-жылдын 8-июнунан 21-июнуна чейин төмөнкү дарек боюнча кабыл алынат: Бишкек ш., Чүй пр., 114 (309-каб.). Сурап билүү тел.: (0312) 900 944, уюл. (0702) 011-457.

        Маалыматты Мамкызмат жана ЖӨБ боюнча агенттиктин mkk.gov.kg жана ДКИБ rrs.kg сайттарынан алса болот.

Эскертүү: коюлган талаптарга жооп бербеген документтерди жана маалыматтарды тапшырган жарандар сынакка катышууга киргизилбейт.