Кыргыз Республикасынын Дин иштери боюнча мамлекеттик комиссиясынын жана Диний кырдаалды изилдөө борборунун кызматкерлери Аламүдүн районуна караштуу Таштар-Ата тоосунун айланасын тазалоо иштерине катышышты.

Ишембилик Кыргыз Республикасынын Президентинин “Улуттук тазалык күнү жана 2023-2025-жылдарга тиричилик калдыктарын башкаруунун натыйжалуу инфраструктурасын түзүү боюнча иш-чаралардын планы жөнүндө” Жарлыгын ишке ашыруунун алкагында өткөрүлдү.