Бүгүн, 24-декабрда Кыргыз Республикасынын Дин иштери боюнча мамлекеттик комиссиясынын (КР ДИМК) жыл жыйынтыктоочу кеңешмеси болуп өттү. КР ДИМКнын 2021-жылдагы иш-аракеттеринин жыйынтыктары жана 2022-жылга карата ведомствонун планы боюнча талкуу болуп өттү.

Жыйында КР ДИМКнын директору Тойгонбай Абдыкаров 2021-жылы диний чөйрөдөгү мамлекеттик саясатты ишке ашыруу жемиштүү болгонун белгиледи. Ошондой эле 2021-2026-жылдарга Кыргыз Республикасынын диний чөйрөдөгү мамлекеттик саясатынын Концепциясын ишке ашыруу боюнча иш-аракеттер планын аткаруу маселелери талкууланды.