23-сентябрь –Кыргыз Республикасынын мамлекеттик тил күнүнө карата Кыргыз Республикасынын Дин иштери боюнча мамлекеттик комиссиясы (КР ДИМК) “Мамлекеттик тил - Мамлекеттүүлүктүн негизи” деген аталыштагы чакан программадагы салтанат уюштурду. Салтанаттык кече Кыргыз Республикасынын Гимни менен башталып, кыргыз элинин көөнөрбөс мурасы болгон “Манас” эпосунан үзүндү айтуу, кыргыз тилинин улуулугун даңазалаган көркөм ыр сапатары жана макал-лакап айтышуу менен коштолду.КР ДИМКнын директору Зайырбек Эргешов өз сөзүндө кылымдарды карыткан кыргыз тили ар дайым ар бир жаран кадырлаган тил болушу керектигине жана кызматкерлерди мамлекеттик тилди эл аралык деңгээлге көтөрүүгө салым кошууга чакырды.Кыргыз Республикасынын Президентине караштуу Мамлекеттик тил боюнча улуттук комиссиясынын төрагасы Н.Ишекеев Мамлекеттик тилди өнүктүрүүгө жана тил саясатын өркүндөтүүдө кошкон салымдары үчүн КР ДИМКнын директору З.Эргешовду “Кыргыз тили” төш белгиси менен ошондой эле талдоо бөлүмүнүн башчысы Г.Исаеваны, башкы адиси З.Турсунбековду Ардак грамоталар менен сыйлады.