Учурда Кыргыз Республикасынын Дин иштери боюнча мамлекеттик комиссиясынын адистери жалпыга маалымдоо каражаттары менен тыгыз байланышта иш алып барууда. Радикалдуу идеялогияларды жайылткан, жарандарыбыздын көңүлүн экстремисттик кыймылдарга бурган аракеттер азыркы учурдун олуттуу көйгөйлөрдүн бири болуп саналат. Мына ушундай көйгөйлөрдүн алдын алуу боюнча түз эфирде диний радикализмдин, экстремизмдин жайылышына бөгөт коюу максатында телекөрүүчүлөр менен профилактика иштери жүргүзүлүүдө.