Кыргыз Республикасынын Дин иштери боюнча мамлекеттик комиссиясы Кыргызстан мусулмандарын келе жаткан ыйык Орозо айы менен куттуктайт!Орозо – бул ар бир мусулмандын өзгөчө жана маанилүү айы. Орозо тутуу жан дүйнө менен денени тазартууга, кайрымдуулук менен кечиримдүүлүк сезимин күчөтүүгө жана кайраттуулук менен ишенимди бекемдөөгө алып келет.Ушул берекелүү ай сиздин үйүңүзгө жакшылык, бакубат, сабырдуулук алып келсин жана кылган дубаларыңыздарды Жараткан кабыл кылсын.